काठमाडौं – पूर्व मिस नेपाल एवं चर्चित सञ्चारकर्मी माल्भिका सुब्बाले दुई वर्षपछि म्युजिक भिडियोमा कमब्याक गरेकी छिन् । वाइके फिल्म्सको प्रस्तुति रहेको ठूलो चाहा छैन मेरो बोलको गीतको म्युजिक भिडियोबाट उनले कमब्याक गरेकी हुन् ।
म्युजिक भिडिोको निर्देशन युगल पोमोले गरेका हुन् । दुर्लभ जन्तारेले लेखेको गीतमा राजु सेन्चुरीको संगीत रहेको छ भने विशाल निरौलाले अरेन्ज गरेका छन् । गायक प्रताप दास र गायिका ममता हिङमाङको स्वर रहेको गीतको भिडियोमा मल्भिकासँग योगेश लामाले पनि अभिनय गरेका छन् । भिडियोमा सेतो गाउनमा सुब्बा निकै सुन्दर देखिएकी छिन् ।
म्युजिक भिडियोमा मेकअपरहेयर सुशीला गुरुङ, कोरियोग्राफी सुकु सामेखम लिम्बु, सिनेमाटोग्राफी मज्जाको राईले गरेका छन् । म्युजिक भिडियोको छायंकान हङकङको रमणीय काउलुन पिकमा गरिएको छ ।
