काठमाडौँ ११ साउन । जनता समाजवादी पार्टीको आधिकारिकता विवादमा निलम्बित प्रतिनिधिसभा सदस्या तथा कार्यकारिणी सदस्य रेशम चौधरी तटस्थ बसेका छन् ।
पार्टीको आधिकारिकता विवाद टुंग्याउन आज ५१ सदस्यीय केन्द्रीय कार्यकारिणी समितिका सदस्यलाई निवार्चन आयोगले आफ्नो सनाखत गर्न आयोग बोलाएको थियो । डिल्लीबजार कारागारबाट प्रहरीको गाडीमा आएका चौधरीले अध्यक्षद्वय महन्थ ठाकुर र उपेन्द्र यादव मध्ये एकमा हस्ताक्षर गर्न आफ्नो नैतिकताले नदिने भन्दै तटस्थ बसेको हुन् ।
आफ्नो पक्ष विपक्ष दुवै जसपा भएकोले एकको पक्षमा मात्रै हस्ताक्षर गर्न आफ्नो नैतिकताले नदिएको चौधरीले बताएका छन् । पत्रकारहरुसँगको कुराकानीमा नेता चौधरीले महाभारतको प्रसंगलाई लिएर पार्टीको आधिकारिकता जसले पाए पनि अध्यक्ष महन्थ ठाकुरलाई भीष्म पितामहको दर्जा दिन आग्रह गरेका छन् ।
