काठमाडौं १० साउन । नेकपा एमालेका अध्यक्ष तथा पुर्व प्रधानमन्त्री केपी शर्मा ओलीले वरिष्ठ नेता माधव नेपाललाई हरियो सर्पको संज्ञा दिएका छन् ।
अखिल नेपाल महिला संघको बैठकलाई भर्चुअल माध्यमबाट सम्बोधन गर्दै ओलीले देशमा उत्पन्न परिस्थितिमा अन्तर्राष्ट्रिय शक्तिको हात रहेको भन्दै नेपालालई हरियो सर्पको संज्ञा दिएका हुन् ।
‘आफ्नै पार्टीमा षडयन्त्र गर्न लागि परेका नेपाल हरियो घाँसमा लुकेको सर्प हो । पार्टी पनि नछोड्ने , षडयन्त्र गरिरहने’ ओलीले भने । नेपाललाई पार्टीले कारवाही गर्ने बताएका ओलीले आफु पार्टीको निर्णयबमोजिम चल्ने भन्दै नेपाललाई आफैले मात्र कारवाही वा माफी दिन नसक्ने पनि बताएका छन् ।
बैठकमा ओलीले नेपालको नाम नलिई नेपालतिर नै संकेत गर्दै माओवादीको टुप्पी अर्कैको हातमा भएको दावीका साथ माओवादी एमाले फुटाउने षड्यन्त्रमा लागेको समेत बताएका छन् ।
