मुम्बई । कलाकार हुनको लागि गोरो, सुन्दर र चकलेटी हुनुपर्छ भन्नेकुरा बलिउड अभिनेता नवाजुद्दीन सिद्दीकीले बाल्यकाल देखि नै सुनेका थिए । आफु बाल्यकालदेखि नै कालो भएकाले कलाकार बन्नको लागि ११(१२ वर्षको उमेरबाटै गोरो हुने विभिन्न क्रिमहरु लगाएको यी अभिनेताको कथन छ । तर क्रिमले भन्दा पनि आत्म विश्वासले आफु सफल कलाकार बन्न सकेको यी अभिनेताले बताएका छन् ।
नवाजुद्दीन सिद्दीकी आफ्नो अभिनयका कारण करोडौं दर्शकको मनमा बस्न सफल भएका छन् । सुन्दर रुपम नभए पनि सफल कलाकार बन्न सकिन्छ भन्नेकुरा आफुबाट प्रमाणित भएको यी अभिनेताले बताएका छन् । जीवनमा सँघर्ष गरेर नै आफुले बलिउडमा यो उचाई पाएको पनि उनले बताएका छन् ।
नवाजुद्दीन सिद्दिकीले सञ्चारकर्मीसँगको अन्तर्वार्तामा कलाकार हुनको लागि चकलेटी हुनैपर्ने कुरामा आफु सहमत नभएको बताएका छन्,‘जब म सिनेमाका पर्दामा आउन चाहन्थे त्यतिबेला म कालो भएका कारण गोरो र सुन्दर हुनकै लागि धेरै नै फेयरनेस क्रिमको प्रयोग गरेँ । तर यसबाट मैले कुनै पनि फाइदा पाईन् ।राजधानि दैनिकमा खबर छ ।
यस’दयगत नवाजुद्दीन सिद्दिकीले भने, ‘मेरो करियरको शुरुवाती अवधिमा म आफ्नो सुन्दरतालाई लिएर बलिउडमा निकै असुरक्षित थिएँ । मैले धेरै क्रिमहरू प्रयोग गरेँ तर कुनै फरक देखिएन ।’ आफुलाई गोरो बनाउन खोज्दा गोरो नभएपछि आफुमा त्यतिबेला झनै बढी अत्मविश्वास घटेको उनले महसुस गरेका थिए ।
नवाजुद्दीन सिद्दिकीले सोही अन्तर्वार्तामा आफू ’चयगलमका मानिसहरूले आफूलाई राम्रो नभएको भन्दै टिप्पणी गर्दा धेरै मन दुखेको बताएका छन्,‘ उनीहरुले त्यसो भनेकै कारणले आफू राम्रो देखिन्न भन्ने महसुस मैले गर्न थालेको थिएँ । तर पछि मैले सुन्दरताको सोचबाट आफूलाई टाढा राखेर आफैमा परिवर्तनको लागि अन्य बाटो रोजेँ ।’
यदि त्यतिबेला आफुले सुन्दताको कारण कलाकारितामा सँघर्ष नगरेको भए आज यो सफलता प्राप्त नहुने अबस्था भएको पनि उनले बताएका छन्, ‘धेरै समयसम्म मलाई लाग्थ्योकी म राम्रो देखिंदिनँ भनेर तर जब मैले यो सोचलाई बाहिर निकालेर काला मान्छेहरुले गरेको प्रगतिलाई अँगालेर चित्त बुझाउँदै अघि बढेँ । त्यसपछि मैले आफुलाई राम्रो देख्न थालेँ ।’ उनले भने,‘ यसपछि मलाई थाहा भयो कि म ठीक छु र मेरो अनुहार पनि ठीक छ ।’
बलिउडमा चिनजान र आफन्त नभएकै कारण आफुले धेरै सानो भूमिकाबाट फिल्म करियर सुरु गरेको पनि बताएका छन् । धेरै वर्ष आफुले मुख्य भूमिका नपाएको र सानो भूमिकामा रम्नु परेको पनि उनले सुनाएका छन्,‘म एक अभिनेता हुँ भनी प्रमाणित गर्न १० देखि १२ वर्ष लाग्यो र त्यो खाडल अहिले कायमै छ ’ मानिसको मनमा एउटा निश्चित धारणा र छवि बनेको छ ।’
नवाजुद्दीन सिद्दिकीले अहिले आफुलाई मानिसले स्वीकार गर्न थालेको बताएका छन्,‘ मासिन सफल भएपछि उसलाई सबैले राम्रो देख्न थाल्दा रहेछन् । आजकाल मलाई सबैले राम्रो भन्नु मन पराउनुको कारण म बलिउडमा केही सफल भएर हो की रु’ उनले आफैंलाई प्रतिप्रश्न गरेका छन् ।
