कोरोनाको महामारी चलिरहेकोले फिल्म उद्योगमा कम शुटिंग भईरहेको छ । यसका कारण फिल्म पनि एकदमै कम रिलीज भईरहेको छ । यो समयमा सलमान खान सामाजिक सञ्जालमा एकदमै सक्रिय रहेका छन् । उनी बिभिन्न पोष्ट गरिरहेका हुन्छन् । साथै धेरै संख्यामा सबै प्लाटफर्ममा उनको फलोअर्स समेत रहेका छन् ।
उनको इन्ष्टामा मात्र ४२ मिलियन फलोअर्स रहेका छन् । उनीहरु सबै उनको पोष्टको एकदमै प्रतिक्षा समेत गरेर बसिरहेका हुन्छन् । सलमान खान कहिले आफ्नो फर्महाउसमा मस्ति गरेको भिडियो सामाजिक सञ्जालमा पोष्ट गर्छन त कहिले वर्कआउट गरेको तस्बीर हाल्छन् । उनले जे पोष्ट गरे पनि एकै छिनमा भाईरल भईहाल्छ ।
यी अभिनेत्रीलाई मात्र सलमान फलो गर्छन्
करौडौ ब्यक्तिले सलमान खानलाई फलो गरेका छन् इन्ष्टाग्राममा तर उनले भने २७ जनालाई मात्र फलो गरेका छन् । यसमा ७ जना अभिनेत्रीहरु रहेका छन् । जसलाई बलिउड स्टार सलमान खान फलो गर्छन् । यसमध्ये एक हुन् कैट्रिना कैफ । सलमान र कैट्रिना दुबै लामो समय देखी एक अर्कालाई डेट गरिरहेका थिए ।
साथै टाइगर जिन्दा हे समेत कैयौ फिल्ममा संगै देखिएका थिए । सलमान खानले हालै कैट्रिनाको जन्म दिनमा समेत विश गरेका थिए । सलमान खानले कैट्रिना बाहेक अरु ६ जना अभिनेत्रीलाई फलो गरेका छन् । जस्मा संगीता बिजलानी, डेजी शाह, बलुशा डी सुजा, ज्याकलिन फर्नाण्डीज, युलिया वन्तुर तथा इसाबेल कैफ रहेका छन् ।
यी नाम बाहेक सलमानले आफ्नो परिवारका सबै सदस्यलाई फलो गरेका छन् । जसमा भाई अरबाज खान, शोहेल खान, बहिनी अर्पिता खान शर्मा, अलबीरा अग्निहोत्री तथा अतुल अग्निहोत्री रहेका छन् ।
