आफ्नो पति राज कुन्द्राका कारण बलिउड अभिनेत्री शिल्पा शेट्टी अफ्ठ्यारोमा पर्न थालेकी छिन् । उनका पति राज कुन्द्रा लाई अदालतले थप जुलाई २७ सम्म हिरासतमा राखेर अनुषन्धान गर्न आदेश दिईसकेको छ ।
यो बेला शिल्पा तनाव र दबाबमा रहेकी छिन् । बलिउड अभिनेत्री शिल्पाले राज कुन्द्राको कम्पनी ‘भिआन इन्डस्ट्रिज’को निर्देशक पदबाट राजिनामा दिएकी छिन्। उनले कम्पनीबाट राजीनामा दिएपछि प्रहरीले शिल्पा संग सोधपुछ गरिरहेको छ ।
शिल्पाले कम्पनीमा निर्देशकका रुपमा बिताएको समयावधिबीचको आय, शिल्पाको बैंक एकाउन्ट अनि शिल्पाले कसरी पैसा कमाइरहेकी छन् भन्ने बारेमा पनि अपराध महाशाखाले अनुसन्धान गर्ने भारतीय मिडियाहरुले जनाएका छन् । मुम्बई क्राइम ब्रान्चले भियान इन्डस्ट्रिजको सिसिटिभी फुटेज समेत जाँच गरेको थियो ।
तर सिसिटिभी फुटेजको डाटाहरु डिलिट गरिएको भेटिए पछि झन् शंकाष्पद मानिएको छ । मूम्बई क्राईम ब्रान्चले शिल्पा र उनका पति राज कुन्द्रा लाई शुक्रबार साँझ ६ घण्टा सोधपुछका लागि राखेको थियो। क्राईम ब्रान्चले उनको घरमा समेत छापा मारेको छ ।
प्रहरीले एकदमै सुक्ष्म रुपमा प्रमाणको खोजीरहेको छ । पोर्न भिडियो उत्पादन र बिक्री वितरण गरेको आरोपमा प्रहरीले शिल्पा सेट्टीका श्रीमान् राज कुन्द्रालाई केही दिन अगाडि पक्राउ गरेको थियो।