काठमाडौँ ८ साउन । नेकपा एमालेका वरिष्ठ नेता माधवकुमार नेपालले पार्टी अध्यक्ष केपी शर्मा ओलीलाई श्री ५ को संज्ञा दिएका छन् ।
आफुलगायत २२ जना सांसदहरुलाई बाटो बिराएर हिडेकाहरुलाई आममाफी भयो भन्दै दिएको ओलीको अभिव्यक्ति प्रति टिप्पणी गर्दै नेता नेपालले ओलीको घोषणालाई श्री ५ को हुकुमको संज्ञा दिएका हुन् ।
आज आयोजित एक कार्यक्रमा सहभागी भएका नेपालले ओलीलाई महाराजधिराज भन्दै महाराजधिराज खुसी हुनु भएकोले हामीलाई आममाफी मिलेको टिप्पणी गरेका हुन् ।
हिजो महामहिम श्री ५ मडामहाराजधिराजबाट अभिव्यक्ति आयो, माधव नेपाल लगायतका माननीय सदस्यहरुमाथि जति पनि स्पष्टीकरण सोधिएको छन्, नेपालले भनेका छन् , ‘उनीहरुलाई आममाफी दिइन्छ । एम्नेस्टी इज ग्रान्टेड । हामी गदगद् भयौं’ ।
ओलीको यो अभिव्यक्तिलाई आलोचना गर्दै नेपालले यसलाई कम्युनिस्ट पद्धती भनिन्छ ? हो भन्दै प्रश्न समेत गरेका छन् ।
