काठमाडौं ८ साउन । सुन जस्तो देखिने पहेँलो वस्तु सहित प्रहरीले चार जनालई पक्राउ गरेको छ ।
विशेष सुचनाको आधारमा निजहरु बस्ने डेरामा प्रहरीले खनतलासी गर्दा ४ जना बिस्कुट आकारको सुन जस्तो देखिने पहेँलो वस्तु लगायतका सामान सहित गोकर्णेश्वर नगरपालिका ५ जोरपाटी डेरा गरी बस्ने सिन्धुपाल्चोक जुगल गाउँपालिका २ घर भएका ३३ वर्षीय सरोज लामा लगायत चार जनालाई प्रहरीले हिजो बिहिबार राति पक्राउ गरेको हो ।
महानगरीय प्रहरी वृत्त बौद्धबाट खटिएको प्रहरीले उनीहरुलाई पक्राउ गरेको हो । निजको डेराबाट बिस्कुट आकारको १ केजी गोल्ड लेखेको १ थान वस्तु, सुन जस्तो देखिने ५० ग्राम लेखिएको १४ थान चुरा, प्रभु बैंकको ३ लाखको चेक १ थान, नेपाल बङलादेश लिमिटेड शाखाको १ थान चेक, नगद २० हजार २ सय ५० रुपैयाँ, ५ थान मोबाईल, १ थान टुल बक्स, १ थान स्क्रु डाईभर, ६ थान सुनको बिल भरपाई लगायतका कागजात प्रहरीले बरामत गरेको छ ।
यस विषयमा प्रहरीले थप अनुशन्धान अगाडी बढाएको छ ।
