बलिउड अभिनेत्री शिल्पा आफ्नो श्रीमानको हर्कतका कारण अफ्ठ्यारोमा पर्न थालेकी छिन् । पोर्न फिल्म बनाएको आरोपमा उनका पति राज कुन्द्रा सोमबार राती पुलिसको गिरफ्तारीमा परेका छन् । उनले एपको माध्यमबाट पोर्न फिल्म प्रशारण गर्ने गरेको प्रहरीको दाबी रहेको छ ।
उनलाई भोली सम्म पुलिस हिरासतमा राखेर अनुषन्धान गर्न अदालतले आदेश दिएको छ । यसबीचमा उनी संग सम्बन्धित बिभिन्न प्रमाण र तथ्यहरुले राज नै मुख्य नाईके रहेको खुलेको छ । यसैक्रममा पुलिसले उनकी पत्नी शिल्पा शेट्टीको यसमा कुनै हात नरहेको बताईरहे पनि ट्रोलरको निशानामा पर्न सुरु गरेकी छिन् ।
यी सबै घटनाका बाबजुद शिल्पा शेट्टीले आफ्नो एउटा मेडिटेशन भिडियो शेयर गरेकी छिन् । उक्त भिडियोलाई लिएर सामाजिक सञ्जालका प्रयोगकर्ताले उनकै ट्रोल बनाउन सुरु गरेका छन् । उक्त भिडियो शेयर गर्दै उनले लेखेकी छिन् – हामीमध्ये कसैसंग पनि आफ्नो वरिपरी भैरहेका कुराहरुलाई परिवर्तन गर्न सक्ने शक्ति हुँदैन, यद्यपि हामीसंग आफूभित्रको कुराहरुलाई ठीक गर्ने शक्ति भने हुन्छ । र, यो योगबाट नै सम्भव हुन्छ । आफ्नो दिमाग शान्त राख्ने, नराम्रो विचार आउनबाट रोक्ने तथा मेडिटेशनबाट सफलतामा केन्द्रिति हुन सकिन्छ ।’
उनको यो भिडियो सहितको पोष्टलाई ट्रोलरहरुले निशाना बनाएका छन् । एकजना युजर लेख्छन् -आफ्ना श्रीमान् लाई सिकाउ । अर्का एकजना ले पनि लेखेका छन् -तिम्रो पति गिरफ्तार भएका छन् । उनको यो भिडियोमा धमाधम यस्तै खिल्ली उडाउने कमेन्टहरु मात्र आउन थालेका छन् ।
