कास्की ७ साउन । दुईनाले भरुवा बन्दुक सहित एक जनालाई प्रहरीले पक्राउ गरेको छ । पक्राउ पर्नेमा पोखरा महानगरपालिका १६ दिप बस्ने ५५ वर्षीय भरत गुरुङ रहेका छन् ।
वडा प्रहरी कार्यालय बगरबाट खटिएको प्रहरीले सोही महानगरपालिका १ बगरस्थित ग.१ च ४३७३ नम्बरको कारबाट १ थान दुईनाले भरुवा बन्दुक सहित कार चालक गुरुङलाई बुधबार पक्राउ गरेको हो ।
प्रहरीले डिक्कीमा लुकाई राखेको अवस्थामा उक्त बन्दुक फेला पारेको हो । यस विषयमा थप अनुशन्धान भइरहेको प्रहरीले जनाएको छ ।
