शिल्पा शेट्टीका श्रीमान् राज कुन्द्राको कार्यालयमा छापा मार्यो प्रहरीले, यस्ता महत्वपूर्ण सामाग्री जफत गरेपछि खुल्यो थप रहस्य, शिल्पासँग पनि सोधपुछ गर्दै प्रहरी
काठमाडौँ । अभिनेत्री शिल्पा शेट्टीका श्रीमान् राज कुन्द्राको कार्यालयमा प्रहरीले छापा मारेको छ । बुधबार साँझ राज कुन्द्राको मुम्बई स्थित विआन इन्ड्रस्टीज लिमिटेडको अफिसमा तथा केही अन्य ठाउँमा समेत छापा मारेर महत्वपूर्ण प्रमाण प्रहरीले फेला पारेको भारतीय मिडियाले उल्लेख गरेको छ ।
समाचारमा जनाइए अनुसार राज कुन्द्राको आफिसबाट प्रहरीले अ श्लि ल फिल्म अपलोड हुने सर्वर नै फेला पारेपछि उनी नराम्रोसँग फस्न पुगेका छन् । भारतीय मिडियामा छापिएका समाचारहरु अनुसार राज कुन्द्राको आफिसबाट कम्प्युटरका हार्ड डिस्क र सर्भर बरामद गरेर प्रहरीले थप अनुसन्धान सुरु गरेको छ ।
उनको कार्यालयबाट जफत गरेर लगिएका काजगपत्र, कुन्द्राका आइफोन तथा ल्यापटप परिक्षणका लागि फोरेन्सिक ल्याबमा पठाइएको प्रहरीको भनाई छ । सोमबार पक्राउ परेका राज कुन्द्रालाई २३ जुलाईसम्म पुलिस हिरासतमा राखेर अनुसन्धान गर्ने अनुमती प्रहरीले पाएको छ । यस विषयमा प्रहरीले नायिका शिल्पासँग पनि सोधपुछ गर्ने तयारी गरेको बताइएको छ ।
