एजेन्सी- नायिका शिल्पा सेट्टीका श्रीमान् राज कुन्द्रालाई मुम्बई प्रहरीले पोर्न भिडियो छायांकन गरेर विक्री गर्ने गरेको आरोपमा पक्राउ ग्यो । यस विषयले भारतिय मिडिया गर्माए र यसै बिच पक्राउ गरेका राज कुन्द्रालाई जुलाई २३ तारिखसम्म हिरासतमा राख्न अदालतले अनुमती दिइसकेको छ ।राजले पोर्न भिडियोको छायांकन भारतमा नै गर्ने गरेको र बेलायत पठाउने गरेको खुलासा भएको छ ।
राजले भिडियोबाट दैनिक ६ देखि ७ लाख कमाउने गरेको बताइएको छ । सुरुवातमा उनले २ देखि ३ लाखसम्म कमाई गरेपनि पछि उनको कमाई बढेर ६ देखि ७ लाखसम्म पुगेको मुम्बई क्राइम ब्रान्चका अफिसर्सले उल्लेख गरेको छ । प्रहरीले उनको वास्तविक कमाइको खोजी अझै जारी राखेको बताइएको छ । लण्डनमा बस्दै आएका आफ्ना नातेदार प्रदिप बक्सीलाई राजले भिडियो पठाउने गरेका थिए । यसैबिच सामाजिक सञ्जालमा यो प्रकरणमा शिल्पाको भूमिका के हो भन्ने प्रश्न उठिरहेका छन् । प्रहरीले पनि यो विषयमा अनुसन्धान गरेर निश्कर्ष निकालिसकेको छ ।
प्रहरीका अनुसार राजको मामलामा अहिलेसम्म शिल्पाको भूमिका प्रष्ट देखिएको छैन ।कमिश्नर अफ पुलिस मिलिन्द भारम्बेले यो मामलामा हालसम्म शिल्पाको भूमिका नदेखिएको बताए । उनले शिल्पालाई हालका लागि ‘क्लीन चिट’ दिएको पनि उनले बताए । यसै वर्षको फेब्रुअरीमा प्रहरीमा पोर्न रेकेटसँग जोडिएको उजुरी परेको थियो । त्यही उजुरीका आधारमा प्रहरीले गहना वशिष्ठ, उमेश कामतलगायतलाई पक्राउ गरेको थियो ।
