काठमाडौं ६ साउन । प्रधानमन्त्री शेर बहादुर देउवा र जनता समाजवादी पार्टी, नेपालका अध्यक्ष महन्थ ठाकुरबिच भेटवार्ता भएको छ ।
ठाकुर प्रधानमन्त्री देउवालाई भेट्न आज बुधबार बिहान प्रधानमन्त्रीको सरकारी निवास बालुवाटार पुगेका हुन् । आफ्नो माग सम्बोधन गर्ने शर्तमा अन्तिम समयमा आएर देउवालाई विश्वासको मत दिएका थिए । आफ्नो माग पुरा गराउन हिजो बसेको ठाकुर पक्षको कार्यकारीणी समितिको बैठकले सरकारको ध्यानाकषर्ण गराएको थियो ।
देउवासँग आज भएको भेटवार्ता पनि माग विषयलाई लिएर छलफल भएको जनाइएको छ । सरकारमा जान तयारी भएको ठाकुर पक्षले आफ्नो माग सम्बोधन गर्ने शर्तमा देउवा सरकारलाई साथ दिएकोह हो ।
