सुनसरी ५ साउन । सप्तकोशी नदीमा पानीको बहाव उच्च भएपछि ब्यारेजको ५६ ढोका मध्ये २९ वटा ढोका खोलिएको छ ।
पूर्वी पहाडी जिल्लामा लगातार पानी परेका कारण पानीको बहाव बढेर प्रतिसेकेण्ड २ लाख २३ हजार ४ सय १५ क्युसेक पुगेकोले सप्तकोशी ब्यारेजको २९ ढोका खोलिएको सुनसरीका प्रमुख जिल्ला अधिकारी उमेश ढकाल जनाएका हुन् ।
पानीको बहाव आज मंगलबार दिउँसो ४ बजे पछि उच्च भएको हो । पानीको बहाव उच्च भएपछि स्थानीय प्रशासनले सप्तकोशी आसपासमा बस्ने स्थानियलाई सुरक्षित रहन आग्रह समेत गरेको छ ।
प्रहरीको उद्धार टोली समेत कोशी आसपासमा परिचालन गरिएको जनाइएको छ ।
