काठमाडौं-पछिल्लो २४ घण्टामा ३१०८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले जनाए अनुसार १३ हजार १३५ जनाको स्वाब परीक्षण हुँदा ३१०८ जनामा कोरोना संक्रमण पुष्टि भएको हो ।
जसमा काठमाडौं उपत्यकाका तीन जिल्लामा फेला परेका सङ्क्रमितको सङ्ख्या ७१९ रहेको छ । आज काठमाडौंमा ५३१ भक्तपुरमा ४१ र ललितपुरमा १४७ जनामा सङ्क्रमण पुष्टि भएको मन्त्रालयले मन्त्रालयले जनाएको छ । यस्तै पछिल्लो २४ घण्टामा १५९५ जनाले कोरोना जितेका छन् ।
यस्तै हालसम्म संक्रमितमध्ये ६ लाख ३४ हजार ९२७ जना संक्रमणमुक्त हुँदा ९ हजार ६०७ जनाको मृत्यु भएको छ । हालसम्म कोरोना निको हुने दर ९४।६ प्रतिशत रहेको छ ।यस्तै सोही अवधिमा २५ जनाले ज्यान गुमाएको स्वास्थ्य तथा जनसंख्या मन्त्रालयले जनाएको छ ।
