लतिपुरको विभिन्न क्षेत्रमा खानेपानी नपुग्दा सेवाग्राही समस्या लिएर काठमाडौँ उपत्यका खानेपानी लिमिटेडको कार्यालय पुग्ने गरेका छन् । सेवाग्राहीको सङ्ख्या बढ्दै गए पनि पानीको स्रोत सीमित रहेकाले पानी पु¥याउन नसेको खानेपानी कार्यालयले जनाएको छ ।
कार्यालयका अनुसार हाल ललितपुरमा ४९ हजार नौ सय ५३ धारा जडान गरिएका छन् । जसमध्ये दुई हजार तीन सय १८ धारामा पानी पठाउन नसकिएको काठमाडौँ उपत्यका खानेपानी लिमिटेड ललितपुरका कार्यालय प्रमुख कृष्णकुमार शाहले बताउनुभयो । उहाँका अनुसार कार्यालयले हाल फर्पिङ सिस्टम९प्रणाली०बाट प्रतिदिन एक करोड ४० लाख लिटर पानी वितरण गरिरहेको छ भने चापागाउँ खानेपानी सिस्टमबाट एक करोड पाँच लाख लिटर वितरण गर्दै आएको छ ।
महालक्ष्मी नगरपालिकाको वडा नं ३, ४, र ५ मा हाल पानी वितरण गर्न नसकिएको शाहले जानकारी दिनुभयो । उहाँका अनुसार धारामा निरन्तर पानी नपुगेपछि स्थानीयले नै खानेपानीको लाइन काटेका छन् ।
“सेवाग्राही धेरै भएकाले नियमित सेवा दिन सकिएको छैन । कतिपय धारामा बढीमा दुईदेखि तीन घण्टाका लागि नौ दिनपछि मात्र पानी जाने गरेको छ”, कार्यालय प्रमुख शाहले भन्नुभयो, “सेवाग्राही धारामा पानी आएन भनेर कार्यालयमा आउनुहुन्छ तर हामीले सेवाग्राहीलाई सेवा दिन सकिरहेका छैनौँ ।”
घर अगाडि धारा जडान भए पनि पानी नआएको स्थानीयले गुनासो गरेका छन् । पानी नआउँदा पनि महसुल तिर्नु परेको उनीहरु बताउँछन् । विसं २०७६ मा धारा जडान गरेर हालसम्म रू ५१ हजार छ सय महसुल तिरेको ललितपुर–१५ खुमलटारका कृष्ण दुलालले बताउनुभयो । पानीको महसुल नियमित तिरे पनि हालसम्म धारामा पानी नआएको उहाँको भनाइ छ । “धारमा पानी देख्न नपाएर यति ठूलो रकम महसुल तिर्नुपर्दा दुःख लागेको छ । ट्याङकरको पानी किन्दा खर्च झन बढे्को छ”, उहाँले भन्नुभयो ।
ललितपुर–१५ फुलबारी मार्गका गोकुल परियारले छ दिनमा एकपटक राति १२ बजे पानी आउने गरेको गुनासो गर्नुभयो । उहाँले भन्नुभयोे, “पानी आउने दिन राति नुसुतेर बस्नुपर्ने हुन्छ । छ दिनमा एकपटक आएको पानीले पुग्दैन । खानेपानीको महसुल पनि तिर्नु परेको छ । ट्याङ्करको पानी किन्नु परेको छ ।”
ललितपुरमा मेलेम्चीको खानेपानी अझै वितरण नभएको प्रमुख शाहको भनाइ छ । मेलम्चीको पानी वितरण गर्न सके खानेपानीको समस्या समाधान हुने उहाँले बताउनुभयो । उहाँका अनुसार अबको तीन महिनाभित्र जिल्लामा मेलम्चीको पानी वितरण गर्ने तयारी भइरहको छ ।
