कलाकार पिया बाजपेईले आफ्नो भाईलाई गुमाएकी छिन् । कोरोनाका कारण उनको भाईको निधन भएको हो । आफ्नो भाईको निधनको खबर उनले ट्विट मार्फत जानकारी दिएकी हुन् । उनले ट्विटमा लेखेकी छिन् – भाई अब रहेनन् ।
उनले यसअघि पनि ट्विट गर्दै आफ्नो भाईको लागि अस्पतालमा बेड र भेण्टिलेटरको सहयोग मागेकी थिईन् । उनले भाईको स्वास्थ्य अवस्थामा सुधार नभएको भन्दै जति सक्दो चाँडो बेड तथा भेण्टिलेटरको माग गरे पनि अन्ततः उनको भाईलाई बचाउन सकिनन् ।
उनले अहिले गरेको ट्विट फेरि भाईरल बनेको छ । मे ७ तारिकमा आफ्नो पुरै परिवारको कोरोना परिक्षण गरे पनि अहिले सम्म रिर्पाेटको अत्तो पत्तो नभएको बताएकी छिन् । सबै कुरा शुन्य र शान्त भएको बताउँदै उनले भगवानको आर्शिबादले सबै परिवार सुरक्षित रहेको बताएकी छिन् ।
