काठमाडौं । गायक शिव सागर खड्काको स्वरमा मलाई खोज्नु पर्ला बोलको गीतको भिडियो सार्वजनिक भएको छ । सार्वजनिक गीतमा शब्द तथा संगीत गायक खड्काकै रहेको छ । गीतमा रिकेश गुरुगंको एरेन्ज तथा मिक्सिगं रहेको छ ।
गीतको भिडियोमा रामचन्द्र अधिकारी, गायक खड्का र खुशी भट्टराइको मार्मिक अभिनय देख्न सकिन्छ । त्यस्तै बालकलाकारको रुपमा प्रनिश पराजुलीको अभिनय देख्न सकिन्छ । भिडियोमा छायाकंन मुकेश हुमागाइको रहेको छ भने सम्पादन तथा कलर मिन रावलको रहेको छ ।
भिडियोको निर्देशन संगित सागर बुर्जाले गरेका हुन् । जसमा पारिवारिक उतारचढावले भौतारिएको एक प्रेमिको कथालाई कलात्मक शैलीमा देखाइएको छ । भिडियो गायक खड्काकै अफिसियल युट्युब च्यानल शिव सागर अफिसियलबाट बजारमा आएको हो । गायक खड्काका ट्राफिक जाम, निष्ठुरी भयेऊ रे, यो नयाँ जोडी, धरहरा खै, लगायत दर्जन बढी गीत बजारमा आइसकेका छन् । हेर्नुहोस् प्रेम र वियोगले भरिएको यो मर्मस्पर्शी गीतको भिडियो
