एजेन्सी- बलिउडकै एउटा उत्कृष्ट फिल्म ‘बजरंगी भाईजान २’ को तयारी भएको छ । फिल्म रिलिजको ६ वर्ष पुरा भएको अबसरमा ‘बजरंगी भाईजान २’को तयारी भएको भारतिय मिडियाले जनाएका छन् । फिल्म ‘बाहुबली’का लेखक केवी विजयेन्द्र प्रसादले आफूले केही समय अघि ‘बजरंगी भाईजान २’को कथा सलमानलाई बताएको र कथा सुनेपछि सलमान उत्साहित भएको बताइएको छ ।
उनले सलमानसँग आफूले आकस्मिक भेटेको र आफूलाई फिल्मको सिक्वेलको बारेमा बताउदा सलमानले ‘एक राम्रो विचार’ भनेको कबिन्द्रले बताए । सन् २०१५ मा रिलिज भएको यो फिल्मले बक्सअफिसमा ३ सय २० करोड रुपैंयाँ बढी कलेक्सन गरेको थियो । फिल्मलाई अत्यन्तै मन पराइएको थियो । फिल्ममा सलमान खान, करीना कपुर, हर्षाली मल्होत्रा र नवाजुद्दिन सिद्दीको मुख्य अभिनय रहेको थियो ।
