काठमाडौं – आमआदमी पार्टीका सांसद राघव चड्डासँग आज बलिउड अभिनेत्री परिणती चोपडाको इन्गेजमेन्ट हुँदैछ । भारतिय मिडियाका अनुसार इन्डिया गेट नजिकको कपुरथला हाउसमा बेलुका ६ बजे इन्गेजमेन्ट समारोह हुँदैछ ।
बहिनी परिणितीको टीकाटालो समारोहमा सहभागि हुन प्रियंका चोपडा शुक्रबार बेलुका नै दिल्ली आएकी छन् । यी दुईको शिख परम्पराअनुसार इन्गेजमेन्ट हुन लागेको हो । इन्गेजमेन्टमा दिल्लीका मुख्यमन्त्री अरविन्द केजरीवाल, पञ्जावका मुख्यमन्त्री भागवत मन समारोहमा उपस्थित हुने जनाइएको छ ।
समारोहमा डेढसय पाहुनालाई निम्तो गरिएको छ । परिणितीले मनिष मलहोत्राको डिजाइन पहिरिने छन् ।राघवले पवन सचदेवको डिजाइन लगाउनेछन् । यी दुबैले लण्डन स्कुल अफ इकोनोमिक्समा सँगै अध्ययन गरेका थिए । यी दुई लामो समयदेखी प्रेममा रहेका थिए ।
