काठमाडौं । नेकपा (एमाले) का नेता शेरबहादुर तामाङले प्रधानमन्त्री शेरबहादुर देउवालाई विश्वासको मत लिन ढिलो गरेमा लामो समय सरकारमा बस्न नपाउने भन्दै ब्यग्य गरेका छन् । काठमाडौँको एक कायृक्रममा बोल्दै पूर्व मन्त्री तामाङले भने जतिसक्दो छिटो विश्वासको मत लिनुहोस् नत्र गाह्रो पर्ला है । उनले आफ्नो पार्टी छिट्टै मिल्ने तरखरमा रहेका कारण एमाले एकताबद्ध भए देउवाले विश्वासको मत नपाउने स्पष्ट पारेका हुन् ।
नेता तामाङले आफ्नो पार्टीको जनमत हुँदाहुँदैपनि अदालतको परमादेशबाट सरकार देउवालाई सुम्पिनु दुर्भाग्य भएको बताए । उनले एमालेभित्रको आन्तरिक जीवनमा केही खटपट सिर्जना भएको र अहिले आफूहरुबाट पार्टीलाई एकताबद्ध बनाउने प्रयास भैरहेको पनि सुनाए । नेता तामागंले प्रधानमन्त्री देउवालाई विश्वासको मत दिनको लागि भोट हाल्नेहरुलाई बाटो खुल्ला रहेको पनि सुनाए ।
