काठमाडौँ -रियालिटी शो निर्देशक तथा कलाकार श्रद्धा प्रसाईं र टिभी रियालिटी शो ‘कमेडी च्याम्पियन’ बाट चर्चामा आएका विक्की अग्रवाल विवाह बन्धनमा बाधिने भएका छन् । विवाहमा परिवार, आफन्त र साथीभाइको उपस्थिति रहनेछ ।
उनीहरूको विवाह समारोह त्रिभुवन आर्मी क्लबमा आयोजना गरिएको बताइएको छ । विवाह अगाडि सोमबार उनीहरूको मेहन्दी समारोह आयोजना भएको थियो । जसमा सेलिब्रेटीको बाक्लो उपस्थिति थियो ।
केही वर्षदेखि प्रेम सम्बन्धमा भएपनि सम्बन्धलाई लुकाउँदै आएका उनीहरूको मंसिरमा इन्गेजमेन्ट भएको थियो । विक्की ‘कमेडी वीथ च्याम्पियन’ को निर्देशन गर्छन् । उनी ‘कमेडी च्याम्पियन’का फष्ट रनर अप हुन् ।
