अन्तर्राष्ट्रिय क्रिकेट परिषद् आईसीसीले आज एकदिवसीय अन्तराष्ट्रिय ओडिआईको वरीयता सार्वजनिक गरेको छ । सार्वजनिक सुची अनुसार नेपाली राष्ट्रिय क्रिकेट टोलीका बलर करण केसीको एकदिवसीय अन्तराष्ट्रिय ओडिआई बलिङ वरीयतामा एक स्थानको सुधार गरेका छन् । वरीयतामा करण एक स्थान सुधार गर्दै ९५ औं स्थानमा रहेका छन् ।
बलिङ तर्फ नै सन्दीप लामिछानेको वरीयता २२ औं स्थानमा यथावत छन् । सोमपाल कामी ६८ औं स्थानमा यथावत रहँदा एक स्थान तल झदै दीपेन्द्र सिंह ऐरी ५३ औं स्थानमा रहेका छन् । ब्याटिङ तर्फ भने नेपाली राष्ट्रिय क्रिकेट टोलीका कप्तान रोहितकुमार पौडेल तीन स्थान तल झरेर ६५ औं स्थानमा रहेका छन् । ब्याटिङ तर्फ नै ओपनर ब्याटर आसिफ शेख १ स्थान तल झरेर ७४ औं स्थानमा रहेका छन् ।
नेपाल भने १४ औं स्थानमा कायमै रहेको छ । नेपाल भन्दा पछाडी नेदरल्यान्ड्स,ओमान,नामिबिया,अमेरिका,युएई र पपुवा न्युगिनी रहेका छन् । अष्ट्रेलिया वरीयताको शीर्ष स्थानमा रहँदा इंग्ल्यान्ड दोस्रो, भारत तेस्रो र पाकिस्तान चौथो स्थानमा छ ।
