मनाङ मर्स्याङ्दी क्लबका मुख्य प्रशिक्षक किरण श्रेष्ठले राजीनामा दिएका छन् । कीर्तिमानी आठ पटकको च्याम्पियन मनाङले प्रशिक्षक श्रेष्ठले सोमबार सामाजिक संजाल फेसबुकबाट क्लब छाडेको जानकारी दिएको छ । व्यक्तिगत कारण देखाउँदै श्रेष्ठले राजिनामा दिएको मनाङले जनाएको छ ।
मनाङले जारी सहिद स्मारक ए डिभिजन लिगका लागि उनलाई मुख्य प्रशिक्षक नियुक्त गरेको थियो । किरण अनुभवी प्रशिक्षकको रुपमा चिनिदै आएका थिए । उनको नेतृत्वमा मनाङले पछिल्ला ६ खेल लगातार हारेको थियो ।
जसका कारण उनी दबाबमा थिए । सोही कारण उनले राजिनामा दिएको हुन सक्ने अनुमान गरिएको छ । मनाङले १३ खेलमा १५ अंक जोडेको छ । मनाङ दशौँ स्थानमा रहेको छ ।
