इटालियन सिरी ए फुटबलमा शीर्ष स्थानको नापोलीलाइ सालेरनिटामाले बराबरीमा रोकेको छ । आइतबार राति भएको खेलमा नापोलीले सालेरनिटामासँग १-१ गोलको बराबरी खेलेको हो । खेलको ६२ औं मिनेटमा माथियास ओलिभेराले गोल गर्दै नापोलीलाई अग्रता दिलाएका थिए । तर, खेलको ८४ औं मिनेटमा बोउलाए डियाले गोल गर्दै सालेरनिटामालाई १-१ गोलको बराबरीमा ल्याए ।
यस बराबरीसँगै नापोलीले उपाधि जित्न अर्को खेल कुर्नु पर्ने भएको छ ।नापोली ३३ वर्षपछि सिरी ए उपाधि नजिक रहेको छ ।नापोलीले ३२ खेलमा ७९ अंक जोडेको छ ।सालेरनिटामा ३४ अंक जोडेर १४ औं स्थानमा रहेको छ । सिरी ए अन्तर्गत नै अर्को खेलमा इन्टर मिलानले लाजियोलाई ३-१ ले हराएको छ ।
