म्यानचेस्टर सिटी इंग्लिस प्रिमियर लिग फुटबलको शीर्ष स्थानमा उक्लन सफल भएको छ । फुलहमलाई २-१ गोल अन्तरले पराजित गर्दै सिटी शीर्ष स्थानमा उक्लन सफल भएको हो । सिटीको जितमा अर्लिङ हालाण्ड र जुलियन अल्भारेजले एक एक गोलको योगदान दिए । फुलहमका कार्लोस भिनिसियसले एक गोल फर्काए ।
खेलको तेस्रो मिनेटमा हालाण्डले पेनाल्टीमार्फत गोल गर्दै सिटीलाई सुरुआती अग्रता दिलाएका थिए ।१५ औं मिनेटमा कार्लोसले गोल गर्दै फुलहमलाई १-१ गोलको बराबरीमा ल्याए ।त्यसपछि खेलको ३६ औं मिनेटमा अल्भारेजले गोल गर्दै सिटीलाई २-१ को जित दिलाए । जितसँगै सिटीले ३२ खेलमा ७६ अंक जोडेको छ ।
