नेपाली राष्ट्रिय महिला फुटबल टिमका फरवार्ड सावित्रा भण्डारीले इन्डियन वुमन्स लिगमा लगातार आफ्नो चमत्कारीक खेल देखाई रहेकी छिन् । उनी आबद्ध गोकुलम केरेलाले लिगमा फराकिलो जित निकालेको छ । शनिबार भएको खेलमा गोकुलमले उडिसालाई ८-१ गोल अन्तरले हराएको छ ।
गोकुलमको जितमा सावित्राले चार गोल गरिन् । सावित्राले लगातार दोस्रो खेलमा गोल गरेकी हुन् । सावित्राले पहिलो खेलमा पाँच गोल गरेकी थिइन् ।यस्तै गोकुलमको जितमा शिल्की, ग्रेस र भिभियनले एक एक गरिन् । उडिसाका सुमित्राले एक गोल फर्काईन् ।
