राजस्थान रोयल्सले चेन्नाई सुपर किंग्सलाई सानदार रुपले पराजित गर्दै ईन्डियन प्रिमियर लिग आईपीएलको शीर्ष स्थानमा उक्लिएको छ ।राजस्थानको घरेलु सवाईमान सिंह क्रिकेट स्टेडियममा भएको आईपीएलको ३७ औं खेलमा चेन्नाई सुपर किंग्स ३२ रनले पराजित भएको हो ।राजस्थानले दिएको २ सय ३ रनको लक्ष्य पछ्याएको चेन्नाईले निर्धारित २० ओभरमा ६ विकेट गुमाएर १ सय ७० रन मात्र बनायो ।
चेन्नाईका लागि शिभम दुवेले ३३ बलमा २ चौका र ४ छक्काको सहयोगमा ५२ रनको अर्धशतकीय ईनिङ खेले । ओपनर ऋतुराज गायकवाडले २९ बलमा ५ चौका र १ छक्काको सहयोगमा ४७ रन बनाए । मोइन अलीले १२ बलमा २ चौका र २ छक्काको सहयोगमा २३ रन बनाए । दुवे र अलिले पाँचौ विकेटका लागि ५१ रनको साझेदारी गरे । राजस्थानका लागि एडम जाम्पाले ३ तथा रविचन्द्रन अश्विनले २ विकेट लिए ।
जेसन होल्डर र कुलदिप यादवले समान १-१ विकेट लिए । त्यसअघि टस जितेर पहिले ब्याटिङ गरेको राजस्थानले निर्धारित २० ओभरमा ५ विकेट गुमाएर २ सय २ रन बनाएको थियो । राजस्थानका लागि ओपनर यशस्वी जैसवालले ४३ बलमा ८ चौका र ४ छक्काको सहयोगमा ७७ रनको अर्धशतकीय ईनिङ खेले । अर्का ओपनर जोस बटलरले २१ बलमा ४ चौकाको सहयोगमा २७ रन बनाए । चेन्नाईका लागि तुसारदेश पान्डेले २ तथा रविन्द्र जडेजा र महेश थिक्सनाले समान १र१ विकेट लिए ।
