नेपालले एसीसी प्रिमियर कपको सेमिफाइनलमा कुवेतसँग प्रतिष्पर्धा गर्ने भएको छ । कुवेत समूह बी को निर्णायक खेलमा हङकङलाई पराजित गरि उपविजेता बन्दै सेमिफाइनलमा पुगेपछि नेपालले सेमिफाईनलमा कुवेत प्रतिष्पर्धीको रुपमा पाएको हो ।
आज भएको समूह चरणको अन्तिम तथा निर्णायक खेलमा हङकङलाई ३० रनले हराएपछि सेमिफाइनलमा घरेलु टोलीसँगको भेट पक्का गरेको हो । यससँगै सेमिफाइनल समिकरण पनि पूरा भएको छ ।
नेपाल समूह ए को विजेता र कुवेत समूह बी को उपविजेताको रुपमा सेमिफाइनल खेल्ने भएका हुन् । त्यस्तै अर्को सेमिफाइनलमा समूह ए को उपविजेता ओमान र समूह बी को विजेता युएईबीच प्रतिस्पर्धा हुनेछ । सेमिफाइनल खेल शनिबार हुनेछ ।
