जोर्डनमा जारी एएफसी यू १७ महिला एसियन कप छनोट प्रतियोगिताको पहिलो खेलमा नेपाल पराजित भएको छ । जोर्डनको प्रिन्स मोहमद स्टेडियममा बुधबार भएको खेलमा नेपाल इरानसँग १-० गोल अन्तरले पराजित भएको हो । इरानको जित एरिसा कुह गार्डले निर्णायक गोल गरिन् । खेलको ८१ औं मिनेटमा एरिसाले गोल गरेकी थिइन् ।
खेलको अन्तिम समयसम्म सम्हालिन नसक्दा नेपालले एक गोल खानु परेको हो । समूह एचमा रहेको नेपालले अब दोस्रो खेलमा शुक्रबार आयोजक जोर्डनसँग खेल्नेछ । यस समूहमा नेपाल, जोर्डन र इरान रहेको छ । समूह विजेताले छनोटको दोस्रो चरणमा स्थान बनाउने छन् ।
