ईन्डियन प्रिमियर लिग आईपीएलमा रोयल च्यालेन्जर्स बेंग्लोरले जित निकालेको छ । मोहालीमा भएको खेलमा बेंग्लोरले घरेलु टोली पन्जाब किंग्सलाई २४ रनले पराजित गर्दै जित निकालेको हो । बेंग्लोरले दिएको १ सय ७५ रनको लक्ष्य पछ्याएको पन्जाबले १८ दशमलब २ ओभरमा अलआउट हुदै १ सय ५० रनको योगफलमा रोकिएको थियो ।
पन्जाबका लागि ओपनर प्रसिमरन सिंहले ३० बलमा ३ चौका र ४ छक्काको सहयोगमा ४६ रन बनाए । जितेश शर्माले २७ बलमा ३ चौका र २ छक्काको सहयोगमा ४१ रन बनाए । बेंग्लोरका लागि मोहम्मद सिराजले ४ तथा वानिन्दु हसरंगाले २ विकेट लिए । हर्षल पटेल र वाईन पार्निलले समान १-१ विकेट लिए । त्यसअघि टस हारेर पहिले ब्याटिङ गरेको बेंग्लोरले २० ओभरमा ४ विकेट गुमाएर १ सय ७४ रनको स्कोर खडा गरेको थियो ।
बेंग्लोरका लागि आजको खेलमा कप्तानको भुमिकामा रहेका विराट कोहली र नियमित कप्तानको भुमिकामा रहेका फाफ डु प्लेसिसले अर्धशतकीय ईनिङ खेले । फाफले ५६ बलमा ५ चौका र ५ छक्काको सहयोगमा ८४ रन बनाए । कप्तान कोहलीले ४७ बलमा ५ चौका र १ छक्काको सहयोगमा ५९ रन बनाए । पन्जाबका लागि हरप्रित ब्रारले २ तथा नेथन एलिस र अर्शदिप सिंहले समान १-१ विकेट लिए ।
