गुल्मी- हृदयाघातका कारण अमेरिकामा एक नेपाली युवाको मृत्यु भएको छ । मृत्यु हुनेमा गुल्मी जिल्लाको रुरुक्षेत्र गाउँपालिका– ४ बलेटक्सार स्थायी घर भएका विशाल ज्ञवाली रहेका छन् । अप्रिल १६ तारिखका दिन अमेरिकामा उनको मृत्यु भएको हो ।
ज्ञवालीको निधनमा नेकपा एमालेका उपमहासचिव प्रदीप ज्ञवालीलगायतले श्रद्धाञ्जली व्यक्त गरेका छन् । ज्ञवालीका पत्नी र एक छोरी अमेरिकामै छन् । ज्ञवालीकी पत्नी समिता शर्माले छोरीको भविष्यका लागि भन्दै आर्थिक सहयोगको अपिल गरेकी छिन् ।
