काठमाडौं, ५ बैशाख । नायिका पूजा शर्माले यो वर्ष वैवाहिक जीवनमा बाँधिने खुलाएकी छिन्। नयाँ वर्षको अवसरमा राजधानीको काठमाडौं मलमा अवस्थित फेसियल हाउसले तयार पारेको वार्षिक क्यालेन्डर सार्वजनिक गर्दै पूजाले सो खुलासा गरेकी हुन्।
पूजाले यो वर्ष आफूले केही कुरा सोचेको र त्यसलाई पूरा गर्न तल्लिन रहने बताइन्। यो वर्ष मुख्यतया मैले मेरो जिन्दगीको एउटा नयाँ निर्णयसमेत लिँदैछु। यो वर्ष वैवाहिक जीवनमा बाँधिने मेरो तयारी छ, कार्यक्रममा पूजाले भनिन्। नेपाल समचारपत्रमा खबर छ । उनले अब कुनै पनि कुरामा सोचेर मात्र बोल्नेसमेत बताइन्। फेसियल हाउसकी संचालिक सुष्मा महराले नेपाली कला संस्कृति झल्काउने उद्देश्यले क्यालेन्डर तयार पारेर सार्वजनिक गरेको बताइन्। सार्वजनिक क्यालेन्डरमा वर्षभरिका पर्वअनुसारका फोटो समावेश छ।
यो पनि : भारतीय फिल्म ‘वार–२’ का निर्देशकको पारिश्रमिक ३२ करोड : मुम्बई । ‘वार २’ निर्देशनका लागि निर्देशक अयान मुखर्जीले महंगो पारिश्रमिक लिएका छन् ।
भारतीय सञ्चार माध्यमहरुका अनुसार ‘वार २’ निर्देशनका लागि उनले करिब ३२ करोड भारतीय रुपैयाँ लिने भएका हुन ।
भारतीय सञ्चार माध्यमका अनुसार यशराज फिल्म्सले ‘वार २’ निर्देशन गर्न अयानलाई प्रस्ताव गरेको र उनले सो फिल्मका लागि ३२ करोड बराबरको पारिश्रमिकको माग गरेका हुन ।
ऋतिक रोशनको प्रमुख भुमिका रहने फिल्म ‘वार २’ सन २०२४ को अन्त्यमा रिलिज हुने बताइएको छ । करिब दुई सय करोड भारतीय रूपैयाँमा बन्न लागेको ‘वार–२ यशराज स्पाई युनिभर्सको छैटौं फिल्म हो । यसअघि स्पाइ युनिभर्सको निर्माणमा यसअघि ‘पठान’, ‘वार’ र ‘टाइगर जिन्दा है’ जस्ता हिट फिल्म निमार्ण गरिसकेको छ ।
