सहिद स्मारक ए डिभिजन लिग फुटबलमा हिमालयन शेर्पाले लज्जास्पद हार ब्यहोरेको छ । हिमालयन माथि फ्रेन्ड्स क्लबले फराकिलो जित निकालेको छ ।सातदोबाटोस्थित एन्फा कम्प्लेक्समा आज फ्रेण्डस्ले हिमालयन शेर्पा क्लबको पोष्टमा आधा दर्जन गोल गर्न सफल भएको छ । फ्रेन्ड्सको जितमा राफिक अमिनुले दुई गोल गरे । अमित तामाङ, उत्तम राई, टोरिक जेब्रिन र अखरबेक उक्तामोभले एक एक गोल गरे ।
खेलको तेस्रो मिनेटमा राफिकले गोल गर्दै फ्रेन्ड्सलाई सुरुआती अग्रता दिलाएका थिए ।३२ औं मिनेटमा उक्तामोभले गोल गर्दै फ्रेन्ड्सको अग्रता दोब्बर बनाए ।खेलको ३८ औं मिनेटमा राफिकले व्यक्तिगत दोस्रो गोल गर्दा फ्रेन्ड्स ३-० ले अघि रह्यो ।खेलको ५८ औं मिनेटमा अमितले पेनाल्टीमार्फत गोल गर्दै टोलीको अग्रता ४-० को बनाए ।
खेलको ७२ औं मिनेटमा उत्तमले गोल गर्दै फ्रेन्ड्सलाई ५-० को अग्रता दिलाए ।त्यसपछि खेलको इन्जुरी समयमा जेब्रिनले गोल गर्दै फ्रेन्ड्सलाई ६-० को जित दिलाए ।फ्रेन्ड्सको यो दोस्रो जित हो । फ्रेन्ड्सले ८ अंक जोडेको छ । फ्रेन्ड्स १२ औं स्थानमा उक्लिएको छ । चौंथो हार व्यहोरेको हिमालयन ११ औं स्थानमा रहेको छ ।
