काठमाडौँ– भारतमा थप ४० हजारमा कोरोना संक्रमण पुष्टि भएको छ । हिजो ३७ हजार जनामा संक्रमण भएको भारतमा संक्रमितको संख्या आज भनेको बढेको हो । तीन महिना अघिसम्म लगातार ४ लाख संक्रमित हुँदै आएकोमा पछिल्लो २४ घण्टामा त्यहाँ ४० हजार २१५ जनामा संक्रमण भएको छ ।
यो सँगै आज भारतमा संक्रमितको संख्या ३ करोड ९ लाख ४४ हजार ९४९ पुगेको छ । यो समाचार तयार पार्दासम्म भारतमा ४ लाख ३६ हजार ४१४ जना संक्रिय संक्रमित छन् । यस्तै त्यहाँ एकै दिन ६२३ संक्रमितले कोरोनाका कारण ज्यान गुमाएका छन् । यो सँगै भारतमा कोरोनाका कारण ज्यान गुमाउनेको संख्या ४ लाख ११ हजार ४३९ पुगेको छ ।
