इंग्लिस प्रिमियर लिग फुटबलमा शीर्ष स्थानको आर्सनल बराबरीमा रोकिएको छ । आइतबार राति भएको खेलमा आर्सनलले वेस्ट ह्यामसँग २(२ गोलको बराबरी खेलेको हो ।आर्सनलले दुई गोलको अग्रता जोगाउन नसक्दा बराबरी खेल्नु परेको हो । खेलको सातौं मिनेटमा गाब्रियल जिससले गोल गर्दै आर्सनललाई सुरुआती अग्रता दिलाएका थिए ।
दशौँ मिनेटमा मार्टिन ओडेगार्डले गोल गर्दा आर्सनल २-० ले अघि रह्यो ।खेलको ३३ औं मिनेटमा सेद बेन्रहमाले पेनाल्टीमार्फत गोल गर्दै वेस्ट ह्यामलाई २-१ को स्थितिमा ल्याए । ५२ औं मिनेटमा आर्सनलका बुकायो साकाले पेनाल्टीमा गोल गर्न सकेनन् । त्यसपछि खेलको ५४ औं मिनेटमा जार्रोड बोवेनले गोल गर्दै वेस्ट ह्यामलाई २-२ गोलको बराबरीमा ल्याए ।यस बराबरीसँगै आर्सनलले ३१ खेलमा ७४ अंक जोडेको छ । आर्सनल शीर्ष स्थानमा यथावत रहेको छ ।
