काठमाडौं । अनमोल र आनाको ‘जेरी :अन टप’को छायांकन अष्ट्रेलियाबाट सुरु हुँने भएको छ । त्यसका लागी निर्देशक हेमराज बीसी आगामी साता नै अष्ट्रेलिया जाने तयारीमा रहेका छन् । त्यस्तै निर्माता न्यौपाने, अनमोल, आनासहितको प्राविधिक टोली वैशाख २१ गते अष्ट्रेलिया पुग्ने बताइएको छ ।
फिल्मको छायाकंन अष्ट्रेलियाको सिड्नी र ब्रिसबेनमा ३० दिन रहेर छायांकन गर्ने योजना रहेको बताइएको छ । । एउटा गीतको छायांकन चाहिं न्युजिल्याण्डमा हुने निर्माता सरोज न्यौपानेले बताए ।
अष्ट्रेलियाको चरण सकिएपछि टोली नेपाल फर्किएर बाँकी छायांकन गर्नेछ । अष्ट्रेलियादेखि नेपालसम्मको कथावस्तु समेटिएकाले फिल्मलाई दुवै देशमा छायांकन गर्न लागिएको हो ।फिल्ममा अनमोल र आनाको शीर्ष भूमिका रहनेछ । जेरीको अघिल्लो शृंखलामा पनि दर्शकले आना र अनमोललाई जोडीको रुपमा देखेका थिए ।
