काठमाडौँ २९ असार । उपचाररत नेकपा एमालेका वरिष्ठ नेता झलनाथ खनालको मिर्गौलाको डायलाइसिस सुरू गरिएको छ।
गत असार ३ गते दिल्ली प्रस्थान गरेका खनालको नयाँदिल्लीस्थित अपोलो अस्पतालमा उपचारको क्रममा मिर्गौलाको प्रत्यारोपणको लागि डायलाइसिस सुरू गरिएको हो ।
‘पोस्ट कोभिड’बाट स्वास्थ्य समस्या देखिएर नर्भिक अस्पतालका भर्ना भएका खनालको स्वास्थ्य जटिल बन्दै गएपछि उनलाई परिवारले भारत लगेका थिए । प्रत्यारोपण नेपाल यत भारतमा गर्ने विषयमा भने कुनै निणर्य भएको छैन । तथापी प्रत्यारोपणको तयारी भइरहेको परिवारले जनाएको छ ।
