काठमाडौं । सुनको ब्रा लगाएर हिँडेकी एक युवतीको तस्विर अहिले भाइरल बनिरहेको छ । २४ क्यारेट सुनको ब्रा लगाएर पार्टीमा पुगेकी युवती हुन् प्रसिद्ध ज्वेलरी डिजाइनर सुहानी पारेख । उनले ‘नीता मुकेश अम्बानी कल्चर सेन्टर’ मा भएको गाला कार्यक्रममा यो अनौठो अवतारमा पुग्दा सबैको नजर उनीतिर पर्यो ।
‘एनएमएसीसी’ को तीन दिने कार्यक्रममा हलिउड-बलिउडका सेलिब्रेटीहरू र सांस्कृतिक कलाकारहरूले आफ्नो सीप र प्रतिभा प्रदर्शन गर्ने क्रममा सुहानीले २४ क्यारेट सुनको ब्रा लगाएर पुग्दा उनी सबैको नजरमा परेकी हुन् ।
प्रसिद्ध ज्वेलरी डिजाइनर सुहानी गर्भावस्थाको अन्तिम हप्तामा पनि कार्यक्रममा भाग लिँदै सबैको नजर आँफुतिर तान्न सफल भएकी थिइन् । सो अवसरमा सुहानीले आफ्नो डिजाइन कौशल देखाइन्। उनले २४ क्यारेट सुनको बेली आर्मर लगाएकी थिइन् र त्यसमा आफ्नो बेबी बम्पलाई स्टाइलिस रूपमा देखाइन्।
लुक इन्टरनेटमा तुरुन्तै हिट भयो। सुहानीले आफ्नै गहना लेबल ‘मिशो’ चलाउँछिन् । ५ अप्रिल २०२३ मा सुहानी पारेखले ‘नीता मुकेश अम्बानी कल्चरल सेन्टर’ मा सबैभन्दा अविस्मरणीय रातहरू मध्ये एकबाट आफ्नो आश्चर्यजनक लुकका तस्बिरहरू पोस्ट गरिन्। उनले लगाएको सुनको ब्रामा साना बच्चाहरूको अनुहारको सोनोग्राफी फोटोहरू देखाइएको थियो।
