बलिउडका सुपरस्टार सलमान खान तथा कैट्रीना कैफ बलिउडकै सबैभन्दा मन पराइएका जोडीहरु मध्ये एक हुन् । अनस्क्रीन यीनीहरुको जोडी एकदमै लोकप्रिय समेत रहेको छ । यी जोडीले मैने क्यु प्यार किया, युवराज, एक था टाईगर, भारत तथा टाइगर जिन्दा है लगायतका फिल्ममा आफ्नो शानदार केमेस्ट्रि पर्दामा देखाईसकेका छन् ।
अब सलमान र कैट्रीना आफ्नो आउन लागेको फिल्म टाईगर ३ लाई लिएर एकदमै चर्चामा रहेका छन् । उनीहरुले कोभिड १९ को दोस्रो लहर पछि यस फिल्मको शुटिंग रोकी दिएका थिए । रोकीएको शुटिंग अब फेरी सुचारु हुने भएको छ । सुल्तानको फेममा अभिनेता र जग्गा जासुसको फेममा अभिनेत्री यस महिना बाटै शुटिंग गर्नका लागि तयार रहेका छन् ।
शुटिंग जुलाई २३ बाट शुरु हुने बताइएको छ । यति मात्र हैन निर्माताले अगष्टमा आफ्नो अन्र्तराष्ट्रिय कार्यक्रम समेत निर्धारण गरिसकेको निर्माता आदित्य चोपडाले जानकारी दिए । निर्देशक मनीष शर्मा पहिला बाटै सलमान, कैट्रीना र इमरान हाशमीसंग शुटिंग गर्न तयारी गरिरहेका छन् ।
