काठमाडौं राम बाबु र भुवन केसीबीच फिल्म ‘माइतीघर २’मा सहकार्य गर्ने विषयमा कुराकानी अगाडि बढिरहेको बताइएको छ । भुवन केसीले ‘माइतीघर २’ बनाउने केही बर्ष अगाडिदेखि चर्चा चलिरहेका बेला राम बाबु र भुवन केसीबीच सहकार्य गर्ने विषयमा कुराकानी अगाडि बढेको हो ।
यो प्रोजेक्टलाई राम बाबु गुरुङसँग अगाडि बढाउने भुवन केसीको तयारी छ । भुबनलृ केही बर्ष अगाडि एक भारतीय निर्देशकसँग संझौता पनि गरिसकेका थिए । तर, ती भारतीय निर्देशकको निधन भएपछि भुवनको यो प्रोजेक्ट रोकिएको थियो ।
यो फिल्ममा नायक अनमोल केसी फरक गेटअपमा देखिदैछन् । राम बाबुले केही समय अगाडि दिएको एक अन्तवार्तामा अनमोलसँग काम गर्ने विषयमा छलफल चलिरहेको बताएका थिए ।
उनले चाँडै नै अनमोलसँग सहकार्य हुने समेत बताएका थिए । राम बाबुले नयाँ फिल्म ‘डिग्री माइला’ निर्देशन गर्दैछन् । उसो त राम बाबुले फिल्म ‘कबड्डी ५’ समेत बनाउने तयारी गरेका छन् ।
