काठमाडौं । बिरेनुन नुनिलो स्वादका लागि मात्रै होइन औषधिका लागि पनि प्रयोग गर्न सकिन्छ । उच्च हिमाली भूभागबाट संकलन गरी पूर्ण रूपमा सफा गरेर तयार पारिने बिरेनुनले विभिन्न स्वास्थ्य समस्यालाई नियन्त्रण गर्नेसमेत काम गर्छ ।
बिरेनुनको नियमित सेवनले बाथ, पित्त र कफ, उच्च रक्तचापका बिरामीलाई पनि लाभदायक हुन्छ । पेटमा भएका विषाक्त तत्वलाई पनि बाहिर निकाल्न सहयोग गर्ने बिरेनुनले । त्यस्ते ग्यास्ट्रिक, कब्जियत, अम्लीयलगायतका समस्याबाट बचाउँछ ।
सल्फर, आइरनलगायतका शरीरलाई आवश्यक खनिज तत्व प्रशस्त मात्रामा हुने भएकाले बिरेनुनले मोटोपना, खराब कोलेस्ट्रोल, श्वासप्रश्वाससम्बन्धी समस्याबाट बचाउने काम गर्छ । त्यस्तै, मधुमेह, आर्थराइटिस, प्यारालाइसिस, एनिमिया, रक्तश्राव, कपाल झर्ने, जोर्नी दुख्ने र आन्द्रासम्बन्धी समस्यालाई पनि नियन्त्रण गर्न बिरेनुनले मद्दत गर्छ ।
यसलाई जुनसुकै तरिकाले पनि प्रयोग गर्न सकिन्छ । प्राकृतिक बिरेनुनले खानालाई सुरक्षित राख्ने काम गर्छ । यसलाई टेबुल साल्टका रूपमा वा साँध्ने खालका खानामा सोझै प्रयोग गर्न सकिन्छ ।
यसलाई पानीमा मिसाएर पनि प्रयोग गर्न सकिन्छ ।दाँत, गिजा, जिब्रो, घाँटी आदिमा समस्या उत्पन्न भएमा तोरीको तेलमा बिरेनुनको मिश्रण गरी सफा गर्न सकिन्छ । यसले दाँतलाई चम्किलो बनाउनुका साथै मुखसम्बन्धी अन्य समस्याबाट पनि मुक्त हुन सहज हुन्छ ।
