काठमाडौं । मैत्रीपूर्ण खेलमा अर्जेन्टिनाले कुराकाओलाई ७ – ० को फराकिलो अन्तरले पराजित गर्न सफल भएको छ । लिओनल मेसीको कप्तानीमा रहेको अर्जेन्टिनी टोलीले कुराकाओविरुद्ध गोलको वर्षा गर्दा मेस्सी एक्लैले ३ गोल हान्दै ह्रयाट्रिक गर्न सफल भएका छन् ।
घरेलु मैदान ब्युनर्स आयर्समा भएको खेलमा मेसीले पहिलो हाफमै ह्याट्रिक पूरा गरेका हुन् । थिए । उनले अर्जेन्टिनाका लागि सय गोलसमेत पूरा गरे । इरानका अली दाई र पोर्चुगलका क्रिस्टियानो रोनाल्डोपछि अन्तर्राष्ट्रिय फुटबलमा सय गोल गर्ने मेसी तेस्रो खेलाडी बने ।
कुराकाओविरुद्ध खाता नै खोल्न नदिई अर्जेन्टिनाले खेलको २०औं मिनेट, ३३औं र ३७औं मिनेटमा मेसीले गोल गरे भने । २३औं मिनेटमा निको गोन्जालेज र ३५औं मिनेटमा एन्जो फर्नान्डेजले गोल गरेका थिए । त्यस्तै दोस्रो हाफमा अर्जेन्टिनाले दुई गोल थप्यो । एन्जल डि मरियाले ७८औं र गोन्जालो मोनिटेलले ८७औं मिनेटमा गोल गरे । गएरातीको ३ गोलसँगै अर्जेन्टिनाका लागि मेसीले १७४ खेलमा १०२ गोल गरेका छन् ।
