काठमाडौँ । गायक प्रविन बेडवालको स्वर रहेको तिम्रो संसार बेग्लै भयो बोलको गीतको भिडियो रिलिज गरिएको छ ।
लोकप्रिय गीतकार लोकराज अधिकारीको शब्द शृजना रहेको सार्वजनिक गीतमा ज्योती प्रकाशको संगीत रहेको छ ।
मनोहर सुनामको एरेन्ज रहेको सार्वजनीक गीतमा मोडलद्धय विकाश चौहान, रुषा न्यौपाने र रमेश खड्काको अभिनय देख्न सकिन्छ । प्रेम, रोमान्स र वियोगलाई नजिकबाट देखाइएको भिडियोको निर्देशन युवा निर्देशक प्रकाश धितालले गरेका हुन् ।
भिडियोले प्रेमी दलित भएका कारण परिवारले अस्विकार गरेको र परिवारकै दबाबमा गरिएको विबाहबाट दुवै जना खुशी हुन नसकेको कथालाई देखाएको छ ।
उत्सव दाहालको छायांकन तथा विकाश दाहालको सम्पादन रहेको भिडियो द वेभ डिजिटलबाट बजारमा आएको हो ।
