एक २८ वर्षका युवकले २ जनासँग बिहे गरेका छन् । पेशाले सफ्टवेयर इन्जिनियर रहेका यि युवाले २ वटी बिबाह गरेको थाहा भएपछि यो कुरा अदालत समक्ष पुग्यो । अदालतले आफ्नो फैसला सुनाउनु अघि नै यि ३ जना नै बिच एउटा अनौठो सहमती बन्यो जस्ले अहिले खुबै चर्चा पाएको छ । उनीहरु ३ जना नै बीच सहमति यस्तो बन्यो जुन अचम्मको थियो ।
ती युवक हप्तामा ३ दिन एक श्रीमती संग र अर्काे ३ दिन अर्काे श्रीमती संग र बाँकि रहेको १ दिन आफ्नै लागि छुट्याएर सहमती बन्यो । ग्वालियर पारिवारिक अदालतले नियुक्त गरेका मध्यस्थकर्ताले यि तिनै जनाबीच यस्तो सहमति गराएका हुन् । सम्झौताअनुसार नोएडाका ती युवकको डेढ लाख तलब २ वटी श्रीमतीमा बराबर बाँडिनेछ र उनले श्रीमतीसँगको सहमतीमा त्यो पैसा खर्च गर्न पाउनेछन् ।
उनीसँग दुईवटा फ्ल्याट छन् र प्रत्येक पत्नीले एक फ्ल्याट पाउँछन्। उनले सोमबारदेखि बुधबार एक श्रीमतीसँग र बिहीबारदेखि शनिबार अर्कीसँग बिताउनेछन्। आइतबार उनी कसैसँग बस्न बाध्य छैनन् र जहाँसुकै बस्न ति युवकको लागि स्वतन्त्रता छ। सम्झौता उल्लङ्घन गरेमा पहिलो श्रीमतीले ती पुरुषविरुद्ध अदालत जान सक्ने सम्झौतामा भनिएको छ ।
बहुविवाह भारतमा एक अपराध हो तर यी तीन जनाले गरेको सम्झौताले उनीहरूलाई यसको लागि दण्डित हुनबाट रोक्छ।जनवरी २०२३ मा ग्वालियर पारिवारिक अदालतले विवाद समाधान गर्न नियुक्त गरेका सल्लाहकार अधिवक्ता हरीश देवानले भने कि उक्त व्यक्तिले मे २०१८ मा २६ वर्षीया महिलासँग विवाह गरेका थिए । उनीहरू दुबै सफ्टवेयर इन्जिनियरहरू थिए जो गुडगाउँको एउटा कम्पनीमा काम गर्थे।
२०२० मा महिला गर्भवती भइन् र महामारीको प्रकोप पनि भएकोले युवकले गर्भवती पत्नीलाई ग्वालियरमा आफ्नो आमाबुवाको घरमा छोडे। जब उनी गुडगाउँ काममा फर्किए कहिल्यै ग्वालियर फर्किएनन् र सन् २०२१ मा एउटै कम्पनीमा काम गर्ने अर्की महिलासँग विवाह गरे । त्यसपछि उनको पहिलाको पत्नीले थाहा पाएर अदालतमा मुद्धा हालेकि थिईन् ।
