फिल्म ‘नाईं नभन्नू ल ६’ मा अनुभव रेग्मी र योगिशाको जोडी रहेको छ । ‘प्रेमगीत ३’ की बाल कलाकार योगिशा खत्रीले अनुभवसँग फिल्ममा जोडी बाधेकी छन् । फिल्मको छायांकन स्थलबाट सार्वजनिक भएको केही तस्बिरमा पनि अनुभव र योगिशासँगै देखिएका छन् ।
पाँचौ श्रृखलासम्म दर्शकले रुचाएको ब्राण्ड हो ‘नाईं नभन्नू ल’ । विकासराज आचार्यद्वारा निर्देशित फिल्मको दुई श्रृखलाबाट जोडिएका अनुभव यो श्रृखलामा पनि छुटेका छैनन् । यसैले ‘नाईं नभन्नू ल ६’मा उनी अतिथि भूमिकामा सीमित भएका छन् । उनको ठाउँ निखिल उप्रेतीका छोरा अथर्वले लिएका छन् ।
फिल्ममा अनुभव र योगिशाको अलवा आँचल शर्मा, आशिर्वाद क्षेत्री, प्रियंका कार्की, सरोज खनाल, केकी अधिकारीको पनि अभिनय छ । केही समय पहिले भने अनुभब फिल्ममा उमेरका कारण नदेखिने अबर बाहिर आएको थियो ।
फिल्मको एउटा गीत र टिजर सार्वजनिक भइसकेको छ । फिल्मको अहिले काठमाडौँस्थित पशुपति क्षेत्रमा केही भागको छायांकन भैरहेको छ । जसमा कलाकार अनुभव रेग्मी र ‘प्रेमगीत ३’ की बाल कलाकार योगिशा खत्रीले अभिनय गरिरहेका छन् ।
