काठमाडौं – वरिष्ठ निर्देशक प्रताप सुब्बाको निधन भएको छ । पहिलो नेपालीमूलका भारतीय फिल्म निर्देशक समेत रहेका सुब्बाको बिहीबार ७८ वर्षको उमेरमा निधन भएको हो ।
२०३५ सालमा रिलिज भएको परालको आगो निर्देशन गर्दै करिअर थालेका सुब्बाले बाँच्न चाहनेहरु, मसाल, कहीं अँध्यारो कहीं उज्यालो, दिदी, चट्याङ र भीष्म प्रतिज्ञा जस्ता व्यावसायिक र समीक्षात्मक रुपमा चर्चित नेपाली फिल्म निर्देशन गरेका छन् ।
उनले चर्चित नेपाली फिल्म र टेलिफिल्म निर्देशन गरेर ५० को दशकमा पुनः दार्जिलिङ फर्किएका थिए । पहिलोपटक फिल्म बनाउन नेपाल आइपुगेका उनले राजेन्द्रकृष्ण मानन्धरसँग मिलेर भिडियो फिल्म ‘बन्द खामभित्र’ निर्माण गरेका थिए ।सुब्बाको निधनको खबरलगत्तै सामाजिक सञ्जालबाट धेरै कलाकारहरुले श्रद्धाञ्जली व्यक्त गरेका छन् ।
