काठमाण्डौ – आईसीसी विश्व कप क्रिकेट लिग–२ अन्तर्गत त्रिदेशीय एकदिवसीय शृङ्खलामा यूएईले पपुवा न्युगिनी ९पीएनजी० लाई ६ विकेटले हराएको छ ।
यूएईका लागि कप्तान मोहम्मद वसीमले एकदिवसीय अन्तर्राष्ट्रियमा पहिलो शतक बनाउने क्रममा १ सय १७ रन बनाए । बलिङतर्फ पीएनजीका रिले हिकुरेले २ विकेट लिए ।पीएनजीले दिएको २ सय ३५ रनको लक्ष्य यूएईले ६८ बलअघि नै ३८ ओभर ४ बलमा ४ विकेट गुमाउँदै भेटाको थियो । पीएनजीका लागि कप्तान आसाद भालाले सर्वाधिक ६५ रन बनाए ।
यस्तै नोरमन भानुवाले नटआउट ४९ रन र रिले हिकुरेले ३३ रन बनाए । बलिङतर्फ यूएईका हजरत बिलालले सर्वाधिक ४ विकेट लिए । यस्तै रोहन मुस्तफा र जवार फरिदले १र१ विकेट लिए ।पीएनजी ३६ खेलमा ११ अङ्कसहित तालिकाको पुछारमा रहेको छ । यूएईले अन्तिम खेलमा भोलि बिहीवार नेपालसँग खेल्नेछ ।नेपाल ३५ खेलमा ३८ अङ्कका साथ चौथो स्थानमा छ
