काठमाडौं-अमेरिकामा स्वास्थ्य परीक्षण गरेर अभिनेता रजनीकान्त भारत फर्किएका छन् । उनलाई स्वागत गर्न चेन्नई एयरपोर्टमा फ्यानको भिड लागेको थियो । ९ जुलाईमा स्वदेश फर्किएका उनलाई भेट्न कयौ दर्शकको भीड लागेको भारतिय मिडियाले जनाएका छन् । जनीकान्तका साथ उनको श्रीमती लता पनि अमेरिका गएकी थिइन् ।
२०१६ मा अमेरिकामै मृगौला प्रत्यारोपण गराए पछि उनले नियमित स्वास्थ परिक्षण गरिरहन्छन् । रजनीकान्त पछिल्लो समय फिल्म ‘अन्नथे’ को काममा ब्यस्त छन् । फिल्मको १५ दिनको सुटिङ बाँकी रहेको छ । डाक्टरले उनलाई तत्कालै सुटिङ नगर्न सल्लाह दिएपछि उनी काममा नगएको बताइएको छ ।
फिल्म ‘अन्नथे’मा रजनीकान्तको अलवा कीर्ति सुरेश, मीना, खुशबु, प्रकाश राज र सुरीको मुख्य भूमिका रहनेछ । फिल्मको निर्देशक शिवा हुन् । यस अगाडि रजनीकान्त फिल्म ‘दरबार’मा देखिएका थिए ।
