काठमाडौं । फिल्म ‘नाइँ नभन्नु ल ६’ को गीत ‘दिउँला माया’ सार्वजनिक भएको छ । गीतको भिडियोमा आँचल शर्मा र डेब्यु ब्वाय आशिर्वाद बराल रोमान्टिक अबतारमा देखा परेका छन् । गीतमा बेनिशा पौडेल र शरद शंकरको स्वर रहेको छ भने गायक शंकरकै संगीत ।
भिडियोमा यी दुई ‘लभ इन्ट्रेस्ट’को रुपमा देखिएका छन् । आशिर्वादले सफल गायक बन्न संघर्ष गर्ने पात्रको भूमिका निर्वाह गरेका छन् । भिडियोमा उनी रेस्टुरेन्टमा गीत गाउँदै गरेको देख्न सकिन्छ, जहाँ उनलाई आँचलले पनि साथ दिएकी छन् ।
फिल्मलाई विकास आचार्यले निर्देशन गरेका हुन् । फिल्म आगामी वैशाख १ गते प्रदर्शनमा आँउदै छ ।
